鑒于大熊同表妹的憂心留言，瑤小豬鄭重澄清下：瑤小豬從網絡上消失了十二天純粹是因為去了畢業旅行，哈哈哈~~不過好多謝你地甘關心一隻豬，嘻嘻~~好了，開始講下畢業遊的故事了。

  9月10號-教師節的日子，同賀賀坐很BT的BA抵達希思羅機場，在地鐵伯伯的搖晃中嚟到倫敦市中心開始十二天的畢業旅行。其實行程好簡單：5日環島遊+5日倫敦行+1日巴斯怪石遊+1日浪費在飛行中。環島遊從倫敦出發，先前往一直話自己好古老的牛津參觀。牛津同劍橋系英國教育界最具談資的兩所高校，其實呢兩間學校本是同根生。話說當年，英國尚未“日不落”時，芸芸英國學子要橫跨英倫海峽，寄人籬下地系法國高盧雞的領土到讀書。因為面子關係，英格蘭王亨利二世決定自己起一間大學，英國學生就唔使再受高盧雞的氣啦（英法的恩怨真系源遠流長啊！）而呢間學校就系傳說中的牛津大學了。大學起就起好了，但學生同附近居民的關係異常惡劣，於是部分溫和派的學者就搬咗去劍橋另起爐灶，成立了成日話自己好創新的劍橋大學啦。呢兩兄弟經常都相煎何太急，唔系比邊個學費貴，就系比邊個扒船扒得快，比嚟比去都系得個橘，簡稱運橘。

  其實單從環境嚟講，豬都系比較中意劍橋，比較適合正常人居住；而牛津真系好牛津，學術氛圍嚴謹就算啦，連生活氛圍都非常牛津：學生一律不准開車，除咗行路就系單車同公車（好似幾環保）；一律要住校，唔可以自己租屋；學生一律唔准打工（但生活費巨貴：每月兩千磅！！！夠我用一年幾了）。所以話有時俾你考到名校都唔一定系好事，報讀前敬請各位先考慮你屋企到底有幾多野可以變成英鎊。

  牛津玩完就去斯特拉斯福特-莎士比亞伯伯的老家。佢老人家真系一個奇跡，出世同去世都系同一個日子：4月23日。當然，去世的日子是以儒略曆嚟算先系同一日。之後去咗曼城參觀工業革命博物館。我一直都諗唔明白：點解我成日都要嚟曼城，只要系英國，我就一定會系曼城留下腳毛，大大話話去咗差唔多十次了，奇怪。曼城結束後就去湖區。湖區顧名思義就系睇湖，睇完一個又一個，正一年年歲歲花相似，歲歲年年人不同；一湖兩湖三四湖，湖湖都是一個湖，難怪Evan話無聊。

  湖完之後終於又再次回到蘇格蘭啦，哈哈哈，橫穿過格拉斯哥之後直奔高地。可能系愛丁堡凍慣咗，覺得高地的溫度還可以，唔系真系甘凍。不過景色就真系好正啦，都是山山水水，羊羊牛牛，放羊的大豬嚟啦，哇咔咔。高地玩過就去尼斯湖睇ness，當地人有句名言嚟召喚湖怪，對著ness湖講：ness，ness，come to me.尼斯湖都堪稱世界上最無厘頭的賺錢景點了。某機械工程師的一張照片造就了史上最大的謊言，也造就了ness賺大錢湖，佢應該是英國最會賺錢的湖了，呵呵呵。

  湖嚟湖去，終於又湖翻到愛丁堡，既陌生又熟悉的城市，生活了一年，百感交集，愛丁堡感想容後再詳談。然後嚟到愛維克城堡，又回到英格蘭。呢個城堡就系哈利波特電影的其中一個拍攝地，魁地奇的場景就系呢度啦，而且呢個城堡系有人住嘎，無錯，真系人嚟嘎，仲系會使用電腦的現代人嚟嘎。城堡的主人就是一位公爵，佢一家六口冬天的時候會住系城堡（思考了很久的問題：為什麼公爵要系凍冰冰的冬天翻嚟住城堡呢？答案：耶誕節要探親訪友，for example佢個遠房親戚，現任女皇伊莉莎白二世）。

  城堡完就去咗約克。據稱是中世紀英國的第二大城市，但其實佢就豆腐潤甘細；又據稱佢系美國紐約人的老家，因為五月花號上的清教徒就系來自約克的；更據稱佢系全英最靚的古羅馬風格的城鎮。可能豬遊得唔夠仔細，所以對極賦盛名的約克感覺不大：約克就是很約克很羅馬。約克完了系曼城瞓咗晚之后（點解又系曼城）就去華威，系外圍睇咗下華威城堡，因為佢是全英最貴的城堡，入一入去就要唔見18磅，所以系透過鐵欄影下相就算了。系華威鎮逛咗下，遇正bank holiday，商店都關門，逛咗同無逛差唔多。華威真的很小鎮，難怪何放將佢形容為鄉下，哈哈哈，但呢個小鄉下卻有聞名的華威大學，而何同學都即將系呢度畢業了。

  逛完鄉下之后，我們嚟到徐志摩的康橋，準備揮一揮相機，帶走所有景色，哈哈哈。康橋就是一條橫跨在康河上的大馬路；康河就是一條比廣外相思河大D噶河。游客可以河上泛舟，但請將荷包中狂跌的英鎊貢獻出嚟，而撐船的船夫貌似系劍橋的學生，個個著到超fashion甘去撐船，果然好有劍橋特色。劍橋最出名的除咗徐大叔的康橋無病呻吟之外，就要數橫跨在河上的另一座經典之橋，豬比較中意呢條橋，登登登，佢就是牛頓伯伯設計的數學橋啦，原本佢系一座無用一粒螺絲釘就建成的純木橋。某年，跳皮的劍橋同學仔將呢條橋拆散咗，之后點都砌唔翻，最后只好用螺絲釘將佢嵌翻埋，從始就變成一條螺絲釘木橋啦，哈哈哈，果然一代不如一代，牛頓伯伯都唔知系好笑定好嬲。牛頓伯伯仲有一樣好犀利噶也，無錯啦，就系掟親佢老人家個頭噶嗰個蘋果的樹啦。原本顆樹系佢鄉下住得好地地，唔知邊個白癡提議將佢移植到劍橋，所以而家系劍橋三一學院外面有一棵完全唔拉搭的蘋果樹。補充下：三一學院（Trinity College）系好多地方，好多學校都有，但唔間間都系精品，例如牛津的三一就不怎地，而且三一學院的起源地是一個名不見經傳的地方，也是當代一個戰火旺盛的地方，無錯啦，就系瑤小豬早前去過噶愛爾蘭啦，哇咔咔！都柏林大學的三一學院就系全世界最古老的三一學院啦。

  五日游就甘結束啦，而倫敦五日其實我只逛咗三日吧，因為賀賀的媽咪同表姐嚟咗，佢地去逛的地方只豬好多都逛過了，于是我就是旅館做咗兩日的宅豬。呢次倫敦行的新鮮點就是去咗溫莎城堡，城堡都一個樣，連呢個最大，最氣派的城堡也不過如是，反而系溫莎鎮吃到嚟英國甘耐最好味的中餐碟頭飯，yummy~~；之后就系觀看了冬夏季警衛系白金漢宮換崗，咪就系件衫唔同咯，哈哈，冬夏裝都難看。另外仲入內參觀了白金漢宮，里面除咗金之外，就系白，果然很襯佢個名：白金；至于“漢宮”嘛，哼，系圓明園偷咗甘多金銀珠寶，就系唔識偷師，搞到自己個花園好似雜草叢生甘，毫無皇家園林的氣勢。睇完“漢宮”之后概嘆：慈禧太后真得很很很很n次方的奢華；八國聯軍真得很很很很n立方的卑鄙，偷唔走噶就燒，哼，一班無恥之徒。（豬每次諗起英國人的祖宗就會很憤青，很民族主義）。最后仲去逛咗傳聞仲好多特價名牌的Bicester Village，然后發現被人呃咗。的確，名牌很多，但一D都唔特價，而且D款式舊到唔舊。逛完呢到之后，證實：Levi’s的價錢其實真的很平民；Dior真系好呃錢，鍍銀+膠珠=720蚊（人民幣），買嗰個都傻嘎。

  21號去咗巴斯同巨石陣。巴斯嘛，另一個羅馬建筑的展覽廳。唉，英國人真系無咩創意，全英好看的、出名的城市，除咗倫敦之外，其他都系人哋幫佢起噶；吃又唔識吃，fish & chips當國宴。好彩，佢地仲有聰明的祖先，起咗個巨石陣俾佢地驕傲下，仲遺傳咗D英式諷刺性幽默感，令佢地噶明信片變得有趣 （系劍橋同牛津都見到一D好特別的明信片）。