最近好偶然咁聽到關智斌首《小學館》，感覺好親切。小學畢咗業已經成十一年了，有時經過小學母校噶時候，感覺里面噶一切都如十多年前，沒有變過，但同學仔都大過曬，有D結咗婚，有D離開了，有D好多年都無聯絡。系咪我開始老呢？仲喜歡回憶以前噶一切。大學都就快畢業了，唔知到十年光景之后，我哋會變成點？好似爸爸話齋：“二十四年了，由你出世得個暖水壺咁大，到而家終于大學畢業了！”呢二十四年真系過得好快，有時望見有D朋友已經結婚生BB，但自己仲系繼續讀書，感覺上有個好大噶落差，原來二十四歲前面有好多分岔口，每個選擇都會為自己帶嚟唔一樣噶人生。

《小學館》歌詞

黑板跟書基本無變
班中的師生轉了別人
看到某個孩童埋在書桌大覺瞓
昨天太遠 而天空這樣近
不見了　同學們阿敬阿發阿正阿勝
不見了遊玩時你踢過我我踢過你
生氣了  還哭過了
仍未忘每一頁每張臉夢見昨日我還會笑   
你我過去八歲特大瘍爆穀亦分吃了仍分散了
留堂後你借過我我借過你互抄功課
球賽跌痛過永遠有你支撐起我
舊校改變 門前長路滿青苔
萬物會更改情永在
廿二世紀 球場上相約比賽
如果跑不到背著你賽
情感　一起揮過汗灌溉

你有借過我 五個半
過去你對我 亦算太過照顧
曾欠過你 從不止五個半
先細有你 才更美滿
成長的階梯很多崎嶇很多的災厄
還盼我似你你最夠勇永遠無嚇怕
人生 人生 能經得起悲哀
微小 愁哀 塵哀一般開飛
舊校改變 門前長路滿青苔
萬物會更改情永在
廿二世紀 球場上相約比賽
如果跑不到背著你賽
情感 一起揮過汗灌溉
la la la...
情感 一起揮過汗灌溉
那次賽事我最拼搏卻跌破了頭
誰更愁 誰更愁 能靠誰來急救
遊戲時要贏 我們會贏 你很硬頸堅執不舍
難題從來無推卸
幼年時 少年時難挨考試
成年開始返工相戀失戀經過多曲折
仍然要贏 會贏 很多包袱難推卸
難過 難過 仍捱得過
陪你 難過 仍能一起過
齊來重建 兒童國
齊來攜手建造一個
誰都不可攻破

黑板跟書基本無變
班中的師生轉了別人
看到某個孩童埋在書桌大覺
昨天太遠 仍幻想彼此可步近

最近一直都處於一種煩躁之中，無辦法靜落心嚟，好似有好多嘢堆積系個腦，好似有好多嘢都擺系面前要去做，但又唔知應該點開始；只要有一DD事就會刺激我噶神經，D脾氣越嚟越差，而且天氣又熱，熱到我無曬表情，就嚟有恐夏癥啦！

臨近離校噶日子，心情好複雜，不舍、掛念、無所適從、煩躁、擔心、期待都混雜系一齊。出路噶問題好似仲好迷糊，是有著落了，但還沒有完全確定，而且也不是最想要噶；但最想要噶仲要等...有時都會諗，最想要噶可能又唔一定系適合自己噶。企系城堡外面睇，覺得裏面噶生活好幸福，但當真系入咗城堡之後先發覺，其實也不過如是，甚至更不適合自己。是因為我顧忌得太多，不自信，所以無法放開手去做，定是仲有其他我唔完全清楚噶原因呢？

仲希望自己會成為一個寬容、沉穩噶人，但越嚟越發現自己浮躁、不安、仲是斤斤計較，自怨自艾，有時真系好討厭自己而家呢種感覺，點解就系唔可以撇脫D，系要猶猶豫豫、畏首畏尾咁，搞到自己又唔開心。

當然，呢排都有好多可以令我開心噶事：專八過了；312宿舍噶全體成員畢業之后都會系廣州；鴨鴨收到香港通知書；暉暉終于拿到一個佢滿意噶offer。

琴晚又地鐵又bus咁，專登返學校睇咗畢業晚會，雖然遲到咗少少，但仲系好開心可以睇到。

從大一開始軍訓-迎新晚會-上課-逃課-考前咪書-考試-寫論文-去招聘會-影畢業相-畢業晚會-畢業典禮-畢業聚會，我系到慢慢一步一步咁將大學噶生活填滿，佢哋就好似一個個里程碑咁，記錄了我大學生活噶點滴。