瑶瑶 的个人资料豬小瑤照片日志列表更多  |  工具 帮助 |
|
2008/2/21 元宵節又到新十五了，鬧元宵，哈哈哈~~~
今日又開開心心甘打邊爐，相較于上次吃蔬菜吃飽，今次吃肉吃得比較多，好美味喔！有牛肉丸、蟹柳、豬肉腸、豆腐、生菜同埋粟米芯，最后仲有湯丸同雪糕做甜品，正！
晚上仲見到新十五的月光，好圓，不過有云。今日仲超大風，成個人俾風吹走，早上唔需要整頭發，因為咩發型到最后都變成“雀竇”。
Edison浦頭了，道歉了，交代了，也退出了，鬧劇終于可以落幕了。 2008/2/19 他們都走了，我們也走了2002年10月18日，羅文走了，獅子山下成絕唱，
2003年4月1日，張國榮走了，開了一個令全世界人喊的玩笑，
2003年12月30日，梅艷芳走了，百變天后成為歷史，
2004年11月24日，黃霑走了，華語詞壇鬼才之位懸空，
2008年2月19日，沈殿霞走了，香港都難過到唔識笑了。
他們都走了，咁香港娛樂圈仲凈低D咩？
凈低，
阿嬌話：“以前我真系好傻好天真。”
Edison：三十六著，走為上著！
其實，
傻同埋天真噶唔系阿嬌，系我們呢班觀眾；
要走的唔系Edison，系我們。
《明星》
當你見到天上星星 2008/2/16 故事又故事忽然之間，故事朝著另一個方向發展了，可以系開始，又可以系結束。所有的開始和結束都是那一瞬間的事情，結束可能好痛，開始可能好遠，但至少都回到了原來的位置上，重新準備出發。如果痛了，就去買止痛藥；如果累了，就去瞓觉但唔好校闹钟；如果想喊了，就唔好准备纸巾；如果想傾訴，就搵個聆聽者好好傾一次，然后放下這些那些包袱，繼續旅程，繼續自己的故事。
《忽然之間》
忽然之间天昏地暗 如果这天地最终 会消失
重新出发
2008/2/7 年三十晚+大年初一年三十晚
大年三十，豬年的最后一天，同成班同學上完五個小時課后，我終于可以回宿舍準備餃子宴了，哈哈哈!
系TWINS噶賀年歌鼓勵下，同埋利用有限的工具同人力資源下，我們將一堆黃芽白、芹菜、粟米粒、冬菇、蔥剁成茸，在加入橄欖油同鹽校味，登...登...登...傳聞中噶芹菜粟米餃同冬菇白菜餃under process，嘻嘻嘻~~~系Hattie的努力下，餃子皮大功告成，yeah！
餡同皮都搞掂，就差包同煮。系賀老師的悉心教導下，本豬完成了人生中第一只自己一手一腳制作噶餃子同埋小籠包，哇咔咔，太有成就感了！嗯，真系好正，自己包餃子，D氣氛果然唔同D~~~
然后，等待室友們歸來，再然后就，開動啦！不過等啊等，等到自己個豬肚系到咕咕叫，仲未見室友們的倩影。為咗避免我們兩個勤勞的中國留學生系大年三十晚餓暈的不幸，我們決定先包定一D餃子煮嚟吃，一邊吃一邊等。哇！好正，好好味，新鮮整噶餃子唔加任何調味料都會好好味嘎！都系新鮮最重要，呵呵呵~~~
九點幾終于等到室友歸來，yeah！繼續勤勞包餃子，他們都包得好搞笑，咩形狀都有，哈哈哈~~~除咗煮噶餃子，我地仲整鍋貼、炸餃子...之后跳舞噶跳舞，拍DV噶拍DV，實在太好玩了。
然后，十二點正，大聲地講：“新年快樂！”
大年初一
系本豬的努力同堅持下，終于突破網絡繁忙的包圍，成功突圍打到電話同媽咪拜年，發短信俾爸爸拜年^_^
“恭喜发财，利是逗来！” 2008/2/4 就地過年今日系年廿八，俗語話：年廿八洗邋遢。雖然系豬，但我會做一只干干凈凈噶豬，呵呵呵~~而且系大熊噶賀卡和媽咪噶短信督促下，我又點敢唔洗邋遢呢？嘻嘻嘻~~下午放學后同室友去咗超市買材料，準備年三十晚包餃子，不過系全素餃，呵呵呵，夠特別了啩。原本想系華人超市買蘿卜糕同馬蹄糕，但系無得賣，我唔中意吃噶年糕就有一大堆，5555~~~買完材料馬上回宿舍洗邋遢：吸塵、洗衫、整理房間（雖然整前同整后無分別，但都系整過，嘻嘻嘻~~）。
以前都系系屋企一大班人一起過年，而且感覺年年都一樣，無咩特別，但今年要自己一個人系一個沒有“過年”傳統的國家過年，反而更加珍惜過年的感覺。雖然地理上噶距離可以用先進噶交通工具嚟縮短，但思念呢樣野系無法用任何工具嚟減少：好掛住屋企D蘿卜糕、馬蹄糕，掛住君君媽咪做噶煎堆、蛋散，掛住燒肉、發菜蠔豉煲豬腳湯、羅漢齋、白切雞、燒鵝，掛住糖冬瓜、糖蓮藕、椰絲條、紅黑瓜子，仲掛住用嚟擲年噶芹菜、蔥、生菜（好意頭啊！），掛住年年都逛噶花街，掛住年年都插噶桃花、雞冠花，掛住可愛噶利市啊！仲掛住好多好多以前陪我一齊過年的人！
不過今次就地過年都發現到D好有趣的事：原來全中國真系得廣東地區是無過年要吃餃子的風俗的；原來我由細到大都無睇過中央臺春晚...
本命年就快過了，總結一年，雖然系本命年，但都算平平安安，無穿無爛；而且呢年真系我人生中好特別的一年：本命年，大學畢業，再飄洋過海讀書，認識了一班五湖四海的同學和朋友，然后系時差差八個小時的蘇格蘭祝所有鼠年本命年的死黨：新春快乐，健健康康，顺顺利利^_^ 希望08的奧運同中國都順利完滿！ 2008/2/2 Snow Buddies今日睇咗《Snow Buddies》，中文譯《雪狗兄弟》，講五只金毛幼犬同阿拉斯加雪橇幼犬同Adam一齊贏得阿拉斯加拉雪橇大賽，仲有一只好盡忠職守的圣班納做警察犬，好得意嘎！雖然故事好簡單，但成班狗狗都好可愛，男主角都好可愛喔，哇咔咔^_^
好有型的阿拉斯加雪橇犬 Alaskan Malamute
好好先生：金毛尋回犬
忠忠直直的圣班納
|
|
|
