瑶瑶 的个人资料豬小瑤照片日志列表更多  |  工具 帮助 |
|
2007/11/29 黑眼圈的啟示今天早上洗面時，好偶然甘仔細地望左下鏡里面的自己，哇！一系唔望，一望差D嚇si豬，我居然見到自己一對好明顯的黑眼圈，啊啊啊！好崩潰啊！居然見到甘明顯了。
我二十四年嚟，從未試過可以系鏡到睇到黑眼圈，仲要甘明顯。就連當初準備高考的日子，我都未試過甘殘。
睇嚟我真系好有問題，要好好自我檢討了，唔可以甘了，唔可以再過D非“豬”的生活。
要改變生物鐘，要早睡晚起，好好學習，天天向上！過翻D正常的學生生活，就好似以前系廣外甘。
嗯，就甘定啦，要變翻只健健康康的豬  2007/11/26 崩潰+重組崩潰篇
啊啊啊！就嚟變成一只精神衰弱噶豬啦，
點解，點解，點解我個豬腦變成一團漿糊，根本咩都理唔清，
D中文同英文不停甘系我個腦到扯埋一夠夠，
好痛苦啊，點解寫嚟寫去都寫唔出D頭緒，癲啦，啊啊啊啊啊！
天啊！點解系我就快見到希望同光明噶時候，你就要甘樣折磨我，
難道折磨我令你很快樂嗎？
嗚嗚嗚...
重組篇
好，如果折磨我系你噶快樂，我...我...我忍你...忍埋呢個月，哼！可惡！  2007/11/25 木紋《木紋》何韻詩
如果 一手锯开枯树 木不会发现痛
不过 日日浇水的我 觉得被挖空 如果 必须结束关系 难扮成从未栽种 让我 数着年轮 这些年轮 我的心会痛 毕竟那段如沐春风 早刻进百年长的信 在信中 圈圈紧扣 情感多深厚 前因 非因 错种 分开简单 抹去往事极难 几多温馨 烛光晚餐 难以用 斧头一劈 叫画面飞散 伴侣没了 记忆会为患 倚星细语 抱月夜谈 历历在目 录下年监 来年树倒 身影孤 烟花散 年轮未可推翻 化不淡 缘悭 但是人非草木 并不会太易惯
刻个 木造的心给我 痛苦未会减 情愿 旧事连根一拔 忘灭如燃尽的炭 但我 数着年轮 几圈年轮 已经湿了眼 分手与又平复之间
少不过百年零一晚 就怕翻风的一晚 回首贪一眼 回忆急速扩散 分开简单 抹去往事极难 几多温馨 烛光晚餐 难以用 斧头一劈 叫画面飞散 伴侣没了 记忆会为患 倚星细语 抱月夜谈 历历在目 录下年监 来年树倒 身影孤 烟花散 年轮未可推翻 化不淡 就怕新婚的一晚 临终贪一眼
徒添几分慨叹 分开简单 抹去往事极难 几多温馨 烛光晚餐 难以用 斧头一劈 叫画面飞散 伴侣没了 记忆会为患 倚星细语 抱月夜谈 历历在目 录下年监 来年树倒 身影孤 烟花散 年轮未可推翻 化不淡 呢兩日好中意聽阿詩呢首歌，可能某些歌詞應景掛，唔知。兩日嚟，受左唔少刺激，收到好多唔愿意接受的消息，打擊好大，眼淚系甘飆。
越嚟越容易感動，但也越嚟越脆弱。
唔中意自己越嚟越容易飆眼淚，好討厭，好討厭！
2007/11/24 無題最近有種好古怪噶感覺，仲系好怕突然好安靜。
唔知點解，自己一個人噶時候仲要開音樂，或者開電視劇，即使我根本唔系系到聽或者睇，反正希望有D聲音陪下我，令自己個心安穩落嚟。 有時仲會有一種“無力”感，全身都無力，啊！！！我又出現病態了，討厭，最近出現噶次數太頻繁了。
難道因為交作業噶日子越嚟越近？定是我內心在恐懼D咩呢？啊！！！！救命啊！ 2007/11/23 不知不覺不知不覺，來左英國兩個幾月；
不知不覺，第一個學期已經要結束了；
不知不覺，冬天已經開始了；
不知不覺，氣溫已經是零下了；
不知不覺，鴨鴨已經做左兩個幾星期噶Miss Tsu；
不知不覺，原來好多野都系不知不覺之間改變了。
在自己猶豫，迷茫之際，時間就不知不覺走了...
我記得剛讀高中時，我曾經講過一句：“時間本來就是用來浪費的。”而家諗翻，當時真系年少氣盛。慢慢長大，才發覺浪費時間令自己有罪惡感。
2007/11/19 屬于我們的經典 最近巖巖復習完CLAMP噶《魔法騎士》，復習緊《近所物語》同《CLAMP學園偵探團》，忽然好懷念細個時候噶動畫片。每日系幼兒園放學翻嚟第一件事就系開電視機；讀小學之后就系一定要睇完動畫片先做功課（原來從小就不是好學生，嘻嘻嘻），到左中學就無睇甘多電視動畫片了，開始轉睇漫畫，買動漫原聲大碟啦，去漫展，之后買VCD或者DVD的動畫睇，到大學進化得仲嚴重，多數都系直接下載，連買都懶得買，除非系買來收藏了 （硬盤夠大的話，電腦到都可以收藏唔少，呵呵呵～～～），到今時今日就走去抄翻曬以前D經典動畫漫畫來睇。
其實睇動畫片真系好開心，所有的美好都系入邊：故事仲系鼓舞人心；困難終會被克服；主角仲系勇敢地解決所有難題；壞人都無好下場；親情友情愛情都雙贏（應該系“三贏”），可能呢d野好多時候系現實生活中都無法實現，所以只有系虛構中完成。或者有人會覺得甘樣好無謂，覺得動畫片都系呃小朋友，但系有時諗下，被區呃下又有咩所謂喔，至少可以令自己保有最后一DD童真，反正遲早都會知道現實噶殘酷，甘點解唔俾小朋友有多少少天真無邪噶日子呢？
大概回顧下自己的動畫片同漫畫旅程：
幼兒園時代
《神筆馬良》：實在太太太經典了，導致我要學十一年的毛筆字就是因為區了，可惜我D字仲系被爸爸批評，啊啊啊，崩潰！
《西游記》：記住啦，唔系《東游記》，都唔系《最游記》，更加唔系《大話西游記》，系《西游記》，哈！
《花仙子》：早期噶日本動畫一D都唔日本，根本就系好美國嘛。記憶中自己唔系甘中意甘女性化噶動畫...
《黑貓警長》：哇，至愛啊！爸爸買錄像機就是為左幫我錄《黑貓警長》，時至今日區都經常提呢件經典事件！
 《嘿，奔奔》：一部好鬼得意噶黃色類似英式beetles噶車仔，仲有一班老友鬼鬼噶汽車死黨。
 《藍精靈》：簡直系經典之最，我屋企而家個枕頭套仲系藍精靈，哈哈哈，可惜一直買唔翻只公仔
 《星仔走天涯》：我系睇香港版噶，一直無留意，原來主題歌歌詞同故事內容唔一致，首歌系：“我要，我要，找我爸爸。”但故事系搵媽媽
 《一休》：最中意最中意噶唔系一休和尚，系...系...系...無錯啦，系果個晴天娃娃，哇哈哈哈
 《星球大戰》：記憶好模糊了，但好似打得幾激下
 幼兒園過渡至小學時代
《變形金剛》：如果有個八十年代出世噶人，話俾你知區未睇過《變形金剛》，你可以認為區一系失憶，一系就系區呃你，區根本唔系八十年代出世噶
 呢部簡直就是世界經典之作！《長腿叔叔》：最深刻的是唐瑋琪唱噶主題曲《心中的天使》，太好聽了。
 《飄零燕》：好想去農場啊，同D羊咩咩玩
《圣斗士星矢》：哇，又系經典啊，時至今日仲陸續有來
 我最中意冰河，但最記得噶絕招竟然系星矢噶天馬流星拳，暈左...《隱者神龜》：果然系神啊，細個好好奇點解龜要住系下水道，下水道唔系應該住老鼠噶咩？哈哈哈
小學全盛時代
《叮噹》：點解大雄有叮噹，我無嘎，唔制啊！我要八寶袋啊！好唔中意而家個名 “哆啦A夢”
 《米老鼠同唐老鴨》：之后發現自己好多文具都系老鼠頭，哈！
《美少女戰士》：哈，我有齊曬成套漫畫，噢yeah！
《亂馬1/2》：比較遲先睇，最中意，呵呵呵，當然系...哈，系亂馬個阿竇--早乙女玄马，原因？好簡單姐，因為我中意熊貓，哈哈哈～～～
《忍者亂太郎》：哈哈，又一部搞笑之作，實在太中意新丁...果兩趟鼻涕，哇哈哈
《龍珠》：悟空個發型簡直是一個時代的印記啊！
中學時代
《高智能方程式》：里面所有角色我都中意，哈哈哈！
《櫻桃小丸子》：實在太搞笑了，小丸子D心事真系鍋鍋新鮮鍋鍋金啊！后來有真人版，真人第一部噶小丸子比較可愛。
《百變小櫻》：最熟噶系首歌：“百變小櫻，魔法神奇誰可阻擋？看我Sakura，揮揮魔棒解開咀咒，百變小櫻Magic從來無失手，魔法變變變，為追討古洛卡必生死戰斗...”
《蠟筆小新》：小新系過度進化噶變種兒童，生理水平維持系幼稚園，心理就進化到超成人水平，呵呵呵 《鬼神童子》：個造型實在太恐怖了。
《銀英傳》：實在系宏篇巨著啊！
《宇宙刑警》：記得主題曲幾好聽。
《皇家雙妹嘜》：太好打了，警花！
《幽游白書》：浦饭幽助其實系好好好好人
《男兒當入樽》：大猩猩、流川、櫻木、晴子、彩子、眼鏡哥哥、三井、宮城、洋平，當然仲有可愛噶安西教練啦。
《足球小將》：唔系好中意，但都系超經典。
《金田一》：不過系真人版，呵呵呵，真系幾恐怖，果陣星期日晚十點幾自己一個人睇，不過唔覺得驚，因為唔知點解每次到驚險部分，爸爸都會系區房到不斷話：“好啦，你早D瞓啦，聽日要翻學啊！”搞亂曬D氣氛...無語
《水果籃子》或者《生肖奇緣》：劇情實在太吸引了，而且好似遠遠未到結局，岡崎律子噶歌實在無得比啊！可惜岡崎老師...唉！
轉入中學漫畫時代
CLAMP系列《WISH》、《魔法騎士》、《CLOVER》、《X戰記》、《圣傳》、《東京巴比倫》、《新春香傳》、《CLAMP學園偵探團》、《銀河宇宙女王HYPER琉》、《天宮界》、《迷幻藥局》、《白姬抄》
渡濑悠宇系列《不可思議的游戲》、《變身情人》、《夢幻妖子》、《愛麗詩19歲》、《絕對彼氏》、《夢幻占卜戀》、《思春期未滿》全、《薄荷糖之吻》、《完美情人》、《沙漠迷城》
北川美幸系列《東京朱麗葉》、《青苹果季节》、《爱情 Do Re Mi》、 《柔道天使》 、《公主軍團》
吉住涉系列《游戲四重奏》、《橘子醬男孩》、《薄荷關系》、《一起散散步》、《戀愛小魔女》
夢野允系列《緋色三次方》、《檸檬情話》、《我是女生》、《愛無止盡》
其他動畫片仲有矢澤愛噶《近所物語》、神尾葉子《花樣男子》，宮崎駿噶動畫，《神风怪道贞德》，《寻找满月》，《萬有引力》；漫畫就赤石路代噶《溜冰娃娃》、《影后之舞》，河內由加利噶《花式皇后》、《戀曲7200秒》，齊藤千穗《別鬧！小綿羊！》，筱原千绘 《天是紅河岸》
仲有好多好多漫畫，借來睇噶，買左睇完唔記得噶，實在太多了，果陣屋企D隱蔽密實地方都俾我用來放漫畫（放到而家），因為果陣爸爸媽媽唔知我用零用錢買甘多漫畫，如果知道啊，哼，好大只鍋。其實我成日隱約覺得區地當時知道，只不過無問詐唔知。后來大左，睇漫畫就變成公開的秘密，因為區地知道我睇，我都好大方甘系我書房睇，就算區地入來，我都唔會收埋。唔知媽媽最近執屋時有無發現D咩驚喜呢，呵呵呵～～
高中時代
在高考復習噶折磨下，繼續睇漫畫
 但同初中時期相比，呈現幾何級數噶下降，嗚嗚嗚，只有追下由贵香织里《天禁》，矢澤愛《NANA》、追動畫片《浪俠劍心》、《犬夜叉》，偶爾追下《高達》、《他和她的故事》，搵下麥兜同麥嘜來玩。記憶中都好似有《花木蘭》，《寶蓮燈》之類噶荷里活改編中國神話故事噶動畫。大學時代
瘋狂下載動畫片《鋼之煉金術士》、《金色琴弦》、《棋魂》、《新白雪姬傳》、《彩云國物語1、2》、《头文字D》、《偷偷愛著你》、《人型电脑天使心 》、《死神筆記薄》、《十二國記》、《網球王子》、《舞-HiME》、《柯南》、《金田一》動畫版、《全職獵人》......太多了，系唔記得甘多啊！有時會追下改成真人版偶像劇噶漫畫原著《戰神》、《惡魔在身邊》、《宮》。當然最最最中意就系麥兜啦，《春田花花幼稚園》，哇，簡直系太得意了。
現在進行時
而家無乜睇漫畫同動畫片了，覺得新噶都做得一般般，多數都系繼續追下仲連載緊噶，或者睇下D播完電視劇，又唔錯噶，甘就搵漫畫版嚟睇睇羅。例如最近噶《公主小妹》啦，又或者等下名家有無新作了，例如宮崎駿今次會唔會唔移城堡移下帝國大廈甘羅，或者麥兜麥嘜會唔會讀左中學啊甘羅，而家得一個字—“等”！
路過呢篇日志噶人，有無搵到D共同噶經典啊？如果你同我差唔多大，都知道呢D動畫或漫畫，卻發覺我將區歸入錯誤噶時代，請原諒，我三歲到七歲噶記憶已經模糊都不能再糊了，呵呵呵。至于后期噶，如果錯左，你就當我學習壓力太大，出現錯亂啦，哈哈哈～
有共同經典噶話，唔該留低D記號～～～
2007/11/16 鋼筆、墨水、原子筆今日心血來潮，突然想用鋼筆，發現自己出來之前有執鋼筆，但無帶墨水，真系大頭蝦。記憶中英國的鋼筆都系直接換墨水芯的，好少有賣一瓶瓶的墨水，而且有都系好貴。上網查左下，最平都要六磅幾，嘩！成九十大元RMB，系廣州可以買九瓶了！算了，反正只筆擺系到都系擺，用下都好啊，當練下寫字都好啊。
于是自己一個人走去carmon shopping mall到搵WH. Smith買墨水，成間店逛完都搵唔到墨水，啊！難道英國人已經進化到唔用吸水鋼筆了？！其實正確來講，系而家都好少再用鋼筆了，連換芯的鋼筆都無咩得揀。之后好唔忿氣甘再將間店行左一次，哈，終于系某個角落頭、貨架最底層搵到傳聞中噶墨水，呵呵呵～還好，都是三磅四十九。之后系sainsbury's買左一排原子筆。翻到宿舍馬上試用，墨水唔錯，雖然我支鋼筆系英雄牌，但用派克的墨水仲系幾適應噶，無結塊噶現象出現，哈哈哈～不過D原子筆就實在不敢恭維了，D質量真系...無語，本土果然不及進口的，中國制造的質量實在好得多了！
又開始用翻鋼筆了，感覺唔錯嘛。對上果次用鋼筆系幾時呢？好似系高中？定初中呢？唔記得了。要多D用了，練下字，唔系成日都用原子筆，D字原來越丑，啊啊啊！字為衣冠嘛，嗯，好好練字。 2007/11/8 病態最近呈現一種病態的感覺，尤其收到某封極具恐嚇性的email后，所有的病態都出現了：焦慮，惶恐，無所適從...
然后發現自己生活節奏混亂，凌晨后都瞓唔著，但早上七點左右就清醒，下午五點就想吃飯，簡直系一片混亂。開始討厭白天，愛上黑夜，天黑唔想開燈，好似見光si甘，發覺書臺一片狼藉，D書放到四圍都系，但卻唔記得有幾多系真正看懂了。行出街會覺得累，想盡一切借口藕系宿舍。每天見電腦多過見人，見到人就想閃人。
睇嚟病得幾嚴重，搵Miss. Tsu同Mr. Xiao睇癥。睇完癥，系時候開始吃下藥，醫下自己了。
2007/11/1 集體回憶集體回憶，一個令人感動的詞，最近細細回想，先發覺原來自己一直懷念的就是集體：漫長而艱巨的高三是集體，大學四年的學習同生活是集體。到左而今，發現集體越來越遠，大家都是獨來獨往，一個人吃飯，一個人睇電視，一個人系圖書館，一個人寫論文，一個人上班、落班，就算有集體，都系偶然湊在一起，同以前唔同，以前就算你系一個人，但仲會有一種集體歸屬感，而今就只剩自己一個。 西關噶大屋，茶樓噶蝦餃燒賣布拉腸，牛雜檔是集體回憶。但恩寧路仲會變，大屋到最后就變成博物館。
千嬅只新碟好好聽，特別中意《集體回憶》
《集體回憶》 你说你记得住门牌 爲何还在看海 不看开 你我也要感谢未来 人早已不在 爲何还在看海 不看开 Halloween Trick or Treat?今年噶萬圣節果然好好玩，同室友跑左去愛丁堡城堡附近睇大巡游，個個扮到鬼五馬六，成身涂到五顏六色，有人扮鬼，有鬼扮人，哈哈哈，好得意。
巡游之后仲系教堂前的空地跳舞，打鼓，用長棍敲地面，放焰火，感覺好似非洲土著系到表演祭祀舞蹈，呵呵呵。
今晚的巡游表演系為左慶祝Samhuinn，系蘇格蘭及蓋爾族特有的節日。Samhuinn的意思是“summer end”，表示夏天結束了，冬天要嚟了，系蓋爾特人的新年。同時也為了祭祀先人，系呢個時間，冥界同人界的大門會打開，所有亡靈都會來到人界，大家要點火把，用樹葉驅除亡靈。同中國的“盂蘭節”好相似。
而且真系好多人一起睇，感覺似過年行花街，人山人海，幾難得見到甘多人啊，呵呵呵～～～
|
|
|
