最近睇見暴雪成災，打工仔無法回家過年；火車站滯留超過10萬人；股市大挫的新聞，忽然好想睇陳sir的節目，區應該又系一番妙語連珠嚟針砭時弊。

離開廣州之后就無再睇到《新聞日日睇》了，以前系屋企晚晚都會同媽咪一邊吃飯一邊睇，好欣賞陳sir同一班G4記者敢說敢做的氣魄，支持粵語，弘揚廣州人的情義廣州精神。

然后，走上土豆，發現有《新聞日日睇》的豆單，實在太開心了，終于可以繼續睇了。

雖然系地理上，同廣州相差幾萬公里，但一直很掛著廣州的人和事，畢竟果到先系我屋企，呵呵呵~~~

 

细个成日俾人话系“幸福的一代”，享受了改革开放的一切成果，是祖国的花朵；

读中学，就变成了被成绩压迫的一代，也为眼科医生同眼镜铺老板贡献咗唔少金钱，而且至今仲继续贡献；

读高中，人生目标就是：高考＋大学＝前途，每天除了上课，就是考试；除了缴交正常学费，仲要交附加费嚟补习；法定假期折上折变成假期补课；

读大学，难得脱离苦海：课，能逃的都逃，不能逃的睡觉、看杂志；论文＝复制＋黏贴＋修改；去图书馆的次数十只手指头数得晒，但逛街的次数用电脑都计唔清；电脑用得最多程序系QQ、MSN、FTP、REALPLAYER...四年后才发现：我还不想长大！

 

之后被所谓的强大舆论和专家痛心疾首地称为：80后是灵魂没有归宿的一代，也是缺乏自我内省和对世界担当的一代。既缺乏50年代人与祖国共命运的伟大情怀，也缺乏60年代人追求精神解放的觉悟，同样缺乏70年代人善于自省的精神。他们是精神缺钙的一代！

 

但是，

 

然后，

我这个长大了的80后讲：而家扫街都要大学文凭；买屋要等爸妈支助；结婚要分期贷款；独生子女“养老”后遗症＝外父外母＋老爷奶奶；三十五岁退休？那是少数人的狂想曲！

今日路过师姐space时睇到噶，几搞笑，转咗过黎。

 

《新版三字经》（粤语版）

人之初 口多多 笑骑骑 放毒蛇，声大大无货卖 眼大大 易学坏，
周身郁 扮忙碌 眼湿湿 扮忧郁，嘴藐藐 打得少 静鸡鸡 认低威，
有早知 无乞儿 晨早知 中三T，担凳仔 霸头位 一张票 睇到笑，
好好好 睇唔到 绕埋手 晨早走，有得振 无得训 搞搞振 无帮衬，
侧侧膊 唔多觉 搏大雾 唔洗做，有姿势 无实际 有交易 靠实力，
七八九 饮到呕 硬骨头 食地球，手头紧 搵真银 乌啄啄 任人将，
淡淡定 有钱剩 失失慌 害街坊，有得赌 精神好 三缺一 惨过乞，
腾腾振 虾光棍 时运高 搏返铺，二仔底 无得睇 随口up 当秘籍，
赢粒糖 输间厂 赢把遮 输架车，有窦口 早d 抖 读书少 比人藐，
头岳岳 四围度 烂挞挞 唔负责，无晒计 发long礼 咖哩啡 扮阿姐，

频频扑 搵命搏 姿姿整 有环境，咁人齐等发围 趁佢病 椤佢命，
出黎威 识抢咪 唔想衰 埋大堆，有异性 无人性 有杀错 无放过，
有胸毛 出黎蒲 手毛长 性欲强，听唔明 扮纯情 懒痴缠 搏可怜，
大笪地 食自己 做臭四 无定企，眼光光 等天光 印印脚 等人约，
有断估 无痛苦 人工高 无秘捞，唔够班 执二摊 跟老顶 有得醒，
走得快 好世界 走得摩 无鼻哥，大肚dum 无良心 大虾细 比屎喂，
有background 无困难 有quali 大餐史，number one 有纹身 渣fit人 有疤痕，
密响call 无甩拖 手指指 靠FACE，十十下拉头马 中间界 骑呢怪，
唔够皮 无面比 二三线 好难变，手指指 扮fan屎 无拉拉 整笪疤，
白白净 无性病 人吓人 好易晕，吹吹水 唔抹嘴 趁你病 挞你订，
癫癫地 唔识死 渣蓝筹 唔洗愁，过大海 搏好彩 四围走 斗叠友

 

之后仲有D粵語俚語，好盞鬼嘎，嘻嘻嘻~~~

开片（打群架，动刀动武） 擦鞋（拍马屁） 一身蚁（一身麻烦） 一镬泡（比喻一团糟糕） 一镬熟（比喻全部遭殃） 一担担（半斤八两，彼此彼此） 舂瘟鸡（比喻乱闯乱撞的人） 手瓜硬（比喻权力大） 执死鸡（拣到便宜） 跌眼镜（估计错误，走了眼） 大出血（大降价，血本无归） 摸门钉（吃闭门羹） 踢晒脚（非常忙碌） 食死猫（背黑窝） 抛浪头（吹嘘自己或吓唬人以显示自己威风，出风头） 扯猫尾（演双簧，串通自来） 黐孖筋（神经质） 鬼打鬼（自己人打自己人，贬义） 炮仗颈（火爆脾气） 笃背脊（背后说人坏话，告发别人） 放飞机（故意失约） 一仆一碌（跌跌撞撞） 三口六面（当着别人） 三姑六婆（好馆闲事的女人） 七国咁乱（乱成一团糟） 好人好姐（好端端的人） 话头醒尾（领悟力强，一说就明白） 有纹有路（有条不紊） 生安白造（捏造，无中生有） 死蛇烂鳝（一动不动，比喻懒惰） 把心唔定（下不定决心） 定过抬油（镇定得很） 游离浪荡（无所事事，到处游荡） 水静河飞（静悄悄，幽静） 衰到贴地（倒霉透了，坏透了） 鬼五马六（狡猾古怪） 身水身汗（满身是汗） 古灵精怪（稀奇古怪） 偷呃拐骗（招摇撞骗） 无端白事（无缘无故） 冇尾飞铊（比喻一去不回） 一天都光晒（云开雾散，大快人心） 一本通书睇到老（用老的眼光看待新事物） 十问九唔应（屡问屡不答） 人怕危，米怕筛（人就怕被人哀求） 小心驶得晚年船（小心可保长久平安） 手指拗出唔拗入（比喻自己人不帮自己人反而帮外人） 数还数，路还路（人情归人情，数目要分明） 十划都未有一撇（比喻事情离成功还早着） 生人唔生胆（没有胆量，胆小怕事） 各花入各眼（萝卜青菜，各有所爱，情人眼里出西施） 手板眼见工夫（比喻工作范围小，一眼可见） 有风驶尽利（比喻在得势的时候仗势凌人，不留情面） 有头威冇尾阵（虎头蛇尾） 跌落地都要楋翻揸沙（比喻失败了不认失败，硬撑着） 担屎唔偷吃（比喻做人很正经老实） 楋手唔成势（手忙脚乱，措手不及） 有碗话碗，有碟话碟（说话直率，有什么说什么） 食咗人只车咩（想要人家的老命吗） 食碗面反碗底（比喻忘恩负义） 好心着雷劈（不领情，好心反被当恶意） 猪仔得食墟墟冚（小人得志而忘形） 崩口人忌崩口碗（有缺陷的人忌讳到类似的事物） 鸡春（蛋）咁密都会哺出仔（若要人不知，除非己莫为，事情总会败露） 偷鸡唔到蚀揸米（比喻不但占不到便宜反而吃了亏） 光棍佬遇着冇皮柴（想敲诈勒索却遇着穷光蛋）

最近上网同亲朋戚友倾计都讲起：“广州今年好冻啊！未试过甘冻嘎！”

广州日报今日头版头条：十万旅客滞留广州站

电视台新闻报道呼吁：广州市民留在广州过年

    (图片转载自《广州日报》2008年1月27日 24版)

 

屋企住系火车站附近，睇见每年的春运都系甘人山人海，一直都觉得好麻烦，经常封路又限制人流。但望住今年春运的情景，开始有种心痛的感觉：天寒地冻，要企系车站等果班唔知几时先开到的车，劳禄奔波一轮之后，翻屋企住咗都唔够两日，又要再舟车劳顿甘翻黎上班。中国人民为了生存，真系过得很累，但我们已经累了五千几年了，大概这种累已经变成习惯，所以每日都在不断地重复。

 

之前上课讨论中国贫困地区“卖血”和艾滋病泛滥的问题，欧洲国家的同学都觉得好不可思议，问为什么中国人要将自己的身体的器官、组织当成商品一样售卖。他们说虽然西方人也出卖自己的劳动力，但这种出卖是为了实现自我价值。那一刻我很嬲，活在天堂的人有什么资格去评判别人的悲惨。你们每天不愁穿不愁吃，每天烦恼的是选择买边部手机买边件衫，返工返到厌倦就话有抑郁症了，要上街游行示威，向政府要求加薪。我们没有你们甘好命啊！连解决温饱都仲系问题，又边有闲情同你讨论精神富足啊？

 

一直都处于矛盾中：我都觉得中国人民活得很累，自己都烦厌了，但我也容不得外人来评判我们的累。

 

世界真系好唔公平，唔公平到连生存都被批判，如我室友话的一样：“我之所以相信真主，可能就是因为这个世界根本就是不公平的。”

 

天气变了，世界也变了...

 

琴晚巴基斯坦室友生日，開咗個PARTY，親朋戚友一共請了差不多二十人。大家系我們的小廚房里一齊吃自助餐，哇哈哈哈～～吃噶、飲噶、擺設都系我地成宿舍人一手一腳搞掂，yeah～ 好有成就感啊！我主要負責炒飯同煮茄醬意大利粉，系咪好似好簡單呢？但其實要煮夠二十人份的食物系好難：要備幾多材料啦、煮咩先啦、爐就得一個，要點分配時間啦，反正要考慮好多好多。不過真系好開心，大家都中意我地D食物，雖然樣樣都剩咗D。剩低噶食物夠我地幾日唔使煮飯了，哇咔咔~~

 

PARTY餐單：石榴青瓜玉米沙律、傳統敘利亞小吃、意大利蔬菜Lasagne、雑菜炒飯、茄醬意大利面、巴基斯坦烤雞兩味（辣同唔辣，嘻嘻~~）；飲品：可樂、咸味檸檬氣水、橙汁、菠蘿汁；甜品：朱古力生日蛋糕。系咪好豐盛呢？呵呵呵~~

 

我最中意吃Laila整噶敘利亞傳統食物：將敘利亞面包撕開鋪底；煮熟鷹嘴豆備用；到敘利亞超市買特定的醬料，混合原味酸奶，調制好醬汁；加熱一定分量的橄欖油備用。準備完畢之后，將煮熟的鷹嘴豆放系面包上面，再淋上醬汁，最后淋上橄欖油，就大功告成！呢道菜要趁熱吃至好味，而且仲好飽肚，哈哈哈~~仲中意Hattie噶石榴青瓜玉米沙律，酸酸甜甜的，好開胃嘎，而且制作方法簡單快捷，真系經濟又健康，嘻嘻嘻~~

 

吃飽之后，巴基斯坦朋友們開始長袖飄飄地跳舞，嘻嘻嘻～～錄咗好多DV。其實中東一帶的人都好中意而且好識跳舞，隨便一個人都可以跳得頭頭是道，犀利！區地社團星期一晚有個活動，以傳統巴基斯坦婚禮為主題，展示印巴文化，所以最近區地都系到勤力練舞喔。

 

 其實我無吃嘎，嘻嘻嘻~~      

                         

 部分食物，哇咔咔~~

 

插播：最近感受到經典蘇格蘭天氣，早上落雨加落雪，中午天晴，下午落雨，晚上落雨加十二級大風，吹到你可以飄移...

又及，今日聽咗千嬅只《舊地》，忽然好懷念從前翻學的路...

 

《舊地》
不禁停步　曾熟悉每條路
沿路走一圈認得往日門牌　那些人卻非想見那臉
這建築　再不是　曾住宿那層故寓
其實應該知　今天非往時　時代變了風景也轉

＊曾經很開心居於這座大樓
陶醉我倆世界這扇大門後
但這些年　人事盡變　重將感覺搬遷
(事隔多年　人事盡變　重將感覺搬遷)　

過去某日某天親切的臉沒法重遇見
某地某點精緻庭園現己變身屋村
再見卻從來未見　已遷拆換了咖啡店
陌路人　懷念往昔純真的腳印
如舊情人　回味最香甜的初吻＊

不太難受　誰遇新也忘舊
曾住這一區認識往日情懷　蓋高樓到底都算正面
但記得　太多事　樓上的那場偶遇
其實應該知　今天非往時　人未變那心境也變

ｒｅｐｅａｔ　＊

過去某日某天親切的臉沒法重遇見
某地某點精緻庭園現己變身屋村
再見卻從來未見　已遷拆換了咖啡店
陌路人　懷念往昔純真的腳印
記得這些烙印　如重見　不妨擁吻

 

 

今晚系Hattie噶快刀下，終于將又厚又重噶劉海剪咗，感覺輕松咗好多喔，人都精神了，哇咔咔~~ Thank you，Hattie！

 

  修剪前        修剪后 

趁著周末，去了一趟蘭開斯特探師妹，坐火車只需要兩個小時多D，算系近了。

整個旅程很輕松，看看論文，吃下零食就到了。蘭開斯特是靠近曼城的小城鎮，火車站小小的，感覺有D似以前系Colwyn Bay的小鎮生活，少了大城市的喧鬧，多了一份田園鄉間的寧靜氣息，很舒服，唯一的遺憾是：天氣超唔好，成日都系到落雨。

系車站等到師妹之后，我地一齊去逛街街。嗯，shopping的地方好集中，而且好多唔同特色的商店，而且好易搵，唔會蕩失路，哈哈哈~~買咗好多衫衫、零食，荷包又大出血了...

 

第二日，坐火車向曼城出發。無錯，我又走咗去曼城，我都唔知點解又系曼城。區系我系英國去得最多的城市，有種莫名的親切感，但又解釋唔到。今次終于可以去飲茶了，去咗雅苑飲。出品都唔錯，而且物美價廉。吃咗好多好好味的點心，我實在太耐無吃腸粉、蝦餃、燒賣了，今餐超正，哇咔咔~~

吃飽了就逛唐人超市，買了一罐好耐無吃的廣合牌腐乳、仲有兩包煲湯料，太掛住媽咪D湯了，唔知我煲唔煲到甘正呢？嘻嘻嘻~~之后仲買了嘉頓蔥油餅，太喜愛了！買了包韓國泡菜，唔知有無以前廣外附近的韓國餐館噶甘好味呢？泡菜拌飯，5555~~~諗起都流口水...逛完唐人街，去咗PRIMARK SHOPPING，揀咗好多衫衫，仲買了兩個袋袋。之后拿住一袋二袋系綿綿不絕的雨水中狂奔去火車站坐車翻蘭開斯特。好彩今日早D走，唔使重蹈上次逼火車的覆轍。

翻到師妹屋企，將D衫都試了一遍，哈哈哈~~好開心，好有滿足感，yeah！

 

之后一大朝早，冒著大雨，步行了四十分鐘終于嚟到蘭開斯特大學，感覺同愛丁堡很不同。蘭開斯特大學位于山頂，附近都是一望無際的綠油油的草地，好天噶時候仲會見到可愛的羊羊。整個校園是好歸一，唔似愛丁堡甘學校同城市融為一體，而且Lancaster噶教學樓都好新，而愛丁堡依舊維持幾百年前的樣子，各有各特色了。整個校園兜兜轉轉，很適合玩捉依人。最特別系系校道上有個CAUTION OF DUCKS噶告示牌，原來平時會有一群鴨鴨成日會橫過馬路去散步，而且鴨媽咪仲會趕住D鴨仔過馬路，哈哈哈，好得意嘎。可惜今日落雨，區地都唔出嚟玩了...參觀完學校，就去了睇Moon River，河邊有間酒吧，D臺臺凳凳都系擺系河邊，晚上系呢到消遣感覺好舒服。今日落完大雨就落毛毛雨，煙雨蒙蒙的感覺都算唔錯。

 

原本以為一切都會好Perfect，但偏偏英國鐵路公司又令我失望。我提早一個小時左右系火車站等車，但維珍趟車又晚點，而且又系因為Preston車站信號燈出錯。上次系曼城就逼火車加慢點，錯過轉車；倫敦行就要額外貢獻銀兩比鐵路公司；今次仲同我晚點四十五分鐘，難道我天生同英國火車公司八字不合？次次都有D意外，嗚嗚嗚！最后終于系晚上十一點翻到愛丁堡。British Railway System啊，我對你真系無語了...

 

問題1 變成肥豬的秘方？！

最近宿舍里儲備咗兩盒品客薯片、超過十包簡易包裝薯片、三角朱古力一大條、AERO朱古力一堆、各款各味軟糖、芝士餅干、三大瓶果汁，全部系我的零食。由早上八點半開始到晚上十一點半的時段，除了正常三餐之外，不停地往口里塞零食，不斷地吃：睇電視時吃，睇書時吃，上網時吃，講電話時都系到吃，吃到就算頂上喉嚨都系仲想吃。甘吃法想唔豬都唔得啦！

我都唔知點解，見到零食就想吃，不停嘴甘吃。雖然我一D都唔肚餓，但就是想吃，口痕就會吃。如果唔將D零食放入口，就會有種奇怪的感覺，只有塞入口才會安心。難道我有強迫癥？？？救命啊！難道就不能不吃嗎？！

 

問題2 Can core replace optional?

本來這個學期感覺仲唔錯的，有兩門幾中意的課程，但偏偏系選課截至日期前一晚發現，唉，我又做錯決定了，居然選了都是core courses，而學習指南上面寫明一定要有兩門optional courses。即系話，我要放棄兩門喜愛的核心課程， 改上兩門我唔中意的選修課，嗚嗚嗚！雖然選修課唔需要個個星期上研討會，但真系好中意果兩門嘛。如果我只去旁聽都可以，但甘姐意味著我又要重蹈上學期的覆轍：星期二由早上到晚，系真系晚啊，晚上六點先放學！崩潰中...

 

問題3 Dissertation Proposal！

畢業論文已經提早折磨我了，根本唔知自己想寫咩題目，根本唔知要點寫論文提綱，根本唔知要點開始...太多根本了，搞到我根本無法安心！

 

看著以前的同學都上班落班，自己忽然都好想上落班，而唔系上落課。做學生本來系開心無憂的事，但漸漸發覺：原來唔系，當發覺自己的歲數不斷直線增長，但卻還是一個毫無社會經驗的學生時，做學生只會變成你生活中的恐懼。

今日睇咗《惡作劇2吻》第四集，湘琴又幫好美重溫自己的故事，雖然有點白癡，但好有誠意。

原來都系F班的小朋友比較可愛，比較似正常的小朋友。

曾經都系類似F的班讀過書，感覺好舒服，一個好開心的學習地方，絕對比A班更適合讀書。F班有情有義，有一種令人溫暖的感覺，大家似一家人，一齊努力。雖然個陣俾老師留堂、批評的時間比見爸媽仲多，又成日搞到老師眼濕濕，但是正是這些留堂、批評、眼淚令我們一直都很團結。一個集體需要的不是鶴立雞群，而是同甘共苦。

雖然畢業好耐了，大家都各散東西，但開心快樂的日子一直都記著...

呢兩日睇翻古裝版《我的野蠻奶奶》，真系好搞笑；之后繼續追時裝版，仲系覺得好搞笑！

不過最得意都系兩首主題曲，實在太盞鬼了，哈哈哈～～

農夫真系唔錯，嘻嘻嘻～～

 

《我的野蠻奶奶》

汪明荃／胡杏兒／黃宗澤

作曲：譚天樂

填詞：陳詩慧

 

汪：一梳梳到尾       二梳百髮齊眉

　　三梳兒孫滿地

　　初歸新抱　落地孩兒

　　呢句簡單句子   教你以後每做一件事

　　都要照住我既意思

　　我話一　你咪話二

    你咪旨意 放肆    咪旨意係我地方鬧事

    對我好好服事     好好散葉開枝

    就會比你過好日子

 

胡：呀奶奶　你咪真係以為自己大晒

　　究竟我前世係咪欠左你未還清既孽債

　　何解我要受你氣何解

　　何解你要擺出一副高高在上既姿態

 

女：他仍是要棲身於這家 願望怎將他撇下

汪：仍然是你      胡：仍然受氣

女：不甘被氣死

 

女：合侶交杯點情郎

    遇到此終喜歡     凝造的將愛贈送

    這需要一手應投     無奈訓示從沒理這位聽眾

 

       

胡：也許水火真能溶

　　或許始終一天    明白我也盡力服從

　　絕對不會放縱    將追憶一一延續

女：絕對不會放縱    這家規再多亦服從

 

黃：家和萬事興　家衰口不停

　　你地鬧得越似起勁

　　好希望你地可以肅靜 停一停

    安撫我弱小心靈     洗耳恭聽

    既然大家都屬於     一個家

    用一個環境    去擁有感情

    我相信雨後一定會天晴

    一家人總可以高高興興

 

女：為你苦心中明瞭

　　就算幾許辛酸 明白尊卑的確重要

　　這雙依那可歡笑 全部訓示 全部也都聽教了

 

胡：為我苦心中明瞭

　　到了今天終於 明白當天多麼可笑

　　面對不介意了 怎相處好好學了

女：面對不介意了 今天要學了  怎歡笑

 

 

《野蠻奶奶大戰戈師奶》 

汪明荃、農夫

咁多年嚟　都對住你

你喺度我又勞氣　

唔喺度我又想起你

想起　屋企靜靜地

我又靜靜雞想同你鬥氣

 

農：如果有日返到屋企你唔喺度　

(如果有日返到屋企你唔見咗)

我坐喺度　開大套Hi Fi都無人投訴

(用幾耐廁所都無人哦我)

話我嘈　無人同我嘈　

(我嘅生活鍾意點過就點過)

耳根清靜到想做乜都可以照做　

(唔使睇你面色　我就系我)

但系補身嘅湯我自己又唔識煲　

(但系每晚我加班遲返)

夜晚趕proposal就咁訓咗系度　

(無人幫我留餸留飯)

無人為我鋪好個床鋪　

(以前嫌你麻煩　嫌你野蠻)

聽朝早無咗你把聲又醒唔到　

(但系無咗你喺我身邊　生活好多困難)

 

汪︰過去每一天　就在你身邊

望住對方千遍百遍也總會厭

太多感覺會變　朝早晚見

等到你　走到遠方說句再見

才漸漸　又想起昨天

留心點　這關心最暖

無端端　又想講句你知每天　

我都會想再見

 

有無緣　同你會變仇人

有無緣　同你變最相襯

某個時辰　同你有緣

我至會發覺你嘅出現

實在佈滿我生命入面　

我發覺我兩個嘅相遇　

實在要我去感謝命運

事實每一天　就在你身邊

就是隔了一寸半寸也不看見

也許感覺會變　相處兩遍

也發覺　跟你每天也要再見

琴晚睇左叱咤頒獎禮，嗯，仲系最中意商臺，有創意兼唔“太公”，哈哈哈～～雖然千嬅都系坐到最后，都系得一個獎，但呢個獎系實至名歸噶，系全港樂迷頒俾區噶，極具份量喔！區可以無懼三十歲以后的生活啦，哈哈哈～～張敬軒都終于得左了，一份唔錯的新年禮物，付出左仲會有回報的。《酷愛》真系幾好聽…

之后睇《野蠻奶奶大戰戈師奶》，實在好搞笑，好鬼中意胡杏兒，希望明年有機會拿我最喜愛角色啦！

再然后，發現窗外又下雪了，是可以堆積起來的雪，真真正正變成雪的雪，好開心喔～～2008年的第一場雪！

換好衫，系最大雪的時候跑出去影相，哇！好正！白雪雪噶感覺好舒服，仲錄左DV哦，嘻嘻嘻～～

就快又開學了，好唔舍得假期，經常諗如果生活系段悠長假期幾好呢，呵呵～～可惜，只能在發夢是才會出現...

 

英國的2008年終于都到了。

今晚，我好安靜地聽著由城堡頂發放的煙花聲；睇住韓劇《甜蜜間諜》；吃住薯片，送走了2007年—我的本命年，又迎接了2008年。

原來這樣安安靜靜地就可以令我好滿足了...

唔知08年會唔會繼續好似07年甘詭異呢？呵呵呵～～

Anyway，新年快樂！